У якім узросце лепш за ўсё граць валацугу Меркуцыо? Навошта расследаваць забойства суседскага сабакі і палемізаваць з даўно памерлым Дастаеўскім? Як перамагчы ў сямі намінацыях знакамітай прэміі Лоўрэнса Аліўе? Адказы на гэтыя пытанні праект TheatreHD запрашае знайсці гарачымі ліпеньскімі вечарамі ў халаднаватых залах кінатэатраў.
Радыкальнае пераасэнсаванне класікі ад рэжысёра Джэймі Лойда і віртуозная ігра Джэймса Макэвоя ў гераічнай камедыі Тэатра Гаральда Пінтэра глядзім – «Сірано дэ Бержэрак» у кінатэатры «Цэнтральны» 6 ліпеня.
Кадр са спектакля «Сірано дэ Бержэрак»
На наступны дзень глядзім «Трылогія братоў Леман» у Falcon Club Буцік Кіно. Спектакль, прысвечаны росквіту і краху фінансавага гіганта «Леман Бразэрс», на самай справе – сага, якая ахоплівае ледзь не ўсю амерыканскую гісторыю апошніх двух стагоддзяў. У гэты ж вечар ва ўтульнай зале VOKA CINEMA by Silver Screen можна ўбачыць зорны дуэт Іэна Маккелена і Патрыка Сцюарта ў вэст-эндскай пастаноўцы «Нічыя зямля».
14 ліпеня VOKA CINEMA by Silver Screen пакажа спектакль «Бура» па самай фантастычнай п’есе Шэкспіра. Выбухны гумар, тэатральныя цуды, велічная паэзія Барда, і ўсё гэта – у выкананні аднаго з наймагутных акцёрскіх складаў Шэкспіраўскага «Глобуса». Тым жа вечарам у Falcon Club Буцік Кіно глядзім сумную камедыю Чэхава «Дзядзька Ваня» , пастаўленую тэтрам Гаральда Пінтэра, з майстрам пераўвасабленняў Тобі Джонсам у ролі Вайніцкага Івана Пятровіча.
Канцэптуальны чорна-белы запіс «Рамэа і Джульеты» ў вэст-эндскай пастаноўцы Кенэта Брана глядзім 18 ліпеня ў кінатэатры «Цэнтральны». На ролі трагічных палюбоўнікаў Брана паклікаў зорак сваёй «Папялушкі»: Рычарда Мэдэна і Лілі Джэймс. Самае дзіўнае рашэнне рэжысёра – запрашэнне на ролю павесы Меркуцыо ветэрана брытанскай сцэны сэра Дэрэка Джакобі. Сэр Дэрэк – адзін з нямногіх майстроў, надзеленых дарам прамаўляць шэкспіраўскія радкі з натуральнасцю штодзённай прамовы, і ў гэтай пастаноўцы ён, безумоўна, засланяе ўсіх. Паўторныя паказы адбудуцца 21 ліпеня ў Falcon Club Буцік Кіно і 28 ліпеня ў VOKA CINEMA by Silver Screen.
Кадр са спектакля «Рамэа і Джульета»
21 ліпеня на экранах VOKA CINEMA by Silver Screen можна будзе ўбачыць спектакль-сенсацыю Іва ван Хове пра забароненае каханне, пастаўлены ў тэатры Янг Вік. Зорны акцёрскі склад пад правадырствам Марка Стронга бліскае ў смелай пастаноўцы п’есы Артура Мілера «Від з моста».
25 ліпеня Falcon Club буцік Кіно пакажа самы пранізлівы мюзікл Сондхайма «Вар’ете», пастаўлены ў Каралеўскім Нацыянальным тэатры. Спектакль быў намінаваны на дзесяць прэмій Лоўрэнса Аліўе і атрымаў дзве з іх. Персанажы мюзікла сустракаюцца ў прызначаным на знос брадвейскім тэатры, каб успомніць свае маладыя гады, калі ўсе яны былі зоркамі знакамітага рэвю «Вар’яцтвы Зігфелда». У галоўнай ролі бліскае зорка сондхаймовских мюзіклаў, бліскучая Імелда Стонтан.
27 ліпеня на экранах кінатэатра Цэнтральны «Бесы Дастаеўскага». Спектакль Тэатра на Малой Броннай за аўтарствам эпатажнага рэжысёра Канстанціна Багамолава – гэта не версія рамана «Бесы», а хутчэй рэжысёрскі вопыт чытання прозы Дастаеўскага і вынік палемічнага дыялогу з аўтарам. Тэкст класіка становіцца для Багамолава асновай для стварэння ўласнай рэжысёрскай драматургіі. «Бесы» – гэта і дэтэктыў, і меладрама, – распавядае Канстанцін Багамолаў. «Бесы» – гэта рэаліі рускага грамадскага жыцця, якія застаюцца нязменнымі з стагоддзя ў стагоддзе».
Заключная ліпеньская пастаноўка – гэта дэтэктыўная прыгода самага незвычайнага героя, расказанае сучаснай тэатральнай мовай. 28 ліпеня ў Falcon Club Буцік Кіно глядзім «Загадкавае начное забойства сабакі» – мабыць, самы дасканалы ўзор тэатральнага пранікнення ва ўнутраны свет чалавека з расстройствам аутычнага спектру. Галоўны герой спектакля Нацыянальнага тэатра Вялікабрытаніі – пятнаццацігадовы падлетак Крыстафер бярэцца расследаваць дзіўнае забойства суседскага сабакі, якога невядомы злыдзень праткнуў віламі. Паўторны паказ спектакля-лаўрэата сямі прэмій Лоўрэнса Аліўе і прэміі «Тоні» можна ўбачыць 31 ліпеня ў VOKA CINEMA by Silver Screen.
Кадр са спектакля «Загадочное ночное убийство собаки»
Паказы ў рамках праекта TheatreHD арганізоўвае Цэнтр «АРТ Карпарэйшн».
Мы раім прытрымлівацца мер засцярогі, каб зрабіць паход у кіно не толькі прыемным, але і бяспечным: калі ласка, карыстайцеся маскамі і іншымі ахоўнымі сродкамі.
Навіны пра гэты і іншыя кінапраекты «АРТ Карпарэйшн» чытайце на сайце artcorporation.by, і ў Facebook, Instagram, VK.