Першыя паказы «Уікэндаў з Ларсам фон Трыерам» у кінатэатры MOOON ў ТРК «TRINITI» стартуюць з карціны «Тая, што танчыць у цемры», дзе галоўную ролю выканала спявачка Б’ёрк. Следам пакажуць эксперыментальную эстэтычную працу дацкага рэжысёра «Еўропа». Пасля прагляду можна абмеркаваць убачанае з кінаэкспертам Ігарам Сукманавым.

«Тая, што танчыць у цемры» – паваротны фільма Трыера, які быў адзначаны Залатой пальмавай галіной у Канах і зрабіў Б’ёрк сапраўднай кіназоркай. У карціне спявачка выконвае ролю імігранткі з Чэхаславакіі Сельмы. Яна хвареет – страчвае зрок, і вымушана працаваць на заводзе ўсляпую ўпотай ад усіх, каб зарабіць грошы і выратаваць ад такой жа хваробы свайго сына. Музыкай і танцамі яна ратуецца ад безвыходнасці і ахвяруе сабой дзеля жыцця свайго сына. Эксперымент рэжысёра з жанрам мюзікла, які пераварочвае душу, зрабіў «Тую, што танчыць у цемры» адным з самых наватарскіх фільмаў у гісторыі жанравага кіно. Фільм пакажуць 4 чэрвеня.

5 чэрвеня – «Еўропа», фінальная карціна першай трылогіі ў кар’еры Ларса фон Трыера. Эфектны чорна-белы фільм з украпінамі каляровых кадраў і бездакорнай візуальнай эстэтыкай кадра раскажа пра маладога немца Леапольда Кеслера, які вярнуўся з Амерыкі ў акупаваную саюзьнікамі Нямеччыну. Цвёрда ўпэўнены, што вайна скончылася, ён спрабуе вярнуцца да звычайнага жыцця, уладкоўваецца на працу правадніком і улюбляецца ў маладую дзяўчыну Кэт. Дэфармаваныя паняцці дабра і зла і абясцэненне чалавечае жыццё ў процівагу гуманізму галоўнага героя, які не перажыў жаху вайны, прыводзяць да катастрофы, але пакідаюць надзею. «Еўропа» была адзначана адразу трыма ўзнагародамі на Канскім кінафестывалі. Карціна лічыцца адной з самых важных у фільмаграфіі Ларса фон Трыера, многія менавіта з яе пачынаюць знаёмства з рэжысёрам і беспаваротна ў яго ўлюбляюцца.

Усе фільмы ў межах «Уікэндаў» дэманструюцца на мове арыгіналу з рускімі субтытрамі.

Пракат карціны ў Мінску арганізуе Цэнтр візуальных і выканальніцкіх мастацтваў «АРТ Карпарэйшн», выступаючы гідам па добраму кіно для тых, хто паспеў засумаваць па пракаце свежых аўтарскіх карцін.

Мы раім прытрымлівацца мер асцярогі і зрабіць паход у кіно не толькі прыемным, але і бяспечным: калі ласка, карыстайцеся маскамі і іншымі ахоўнымі сродкамі.

Сачыце за навінамі пра наступныя паказы на сайце artcorporation.by і Facebook, Instagram, VK.