Фестываль быў адменены, але кіно жыве. З 10 па 13 лістапада ў Falcon Club Буцік кіно пакажуць фільмы з праграмы 27-га ММКФ «Лістапад». Нягледзячы на тое, што паказ карцін у фестывальным фармаце ў гэтым годзе не адбудзецца, некаторыя фільмы будуць прадстаўлены ў межах кінапракату ў 2020-2021 годзе для таго, каб гледачы змаглі ацаніць фестывальную праграму.
Усім кінааматарам мы нагадваем, што цікавіцца праграмай «Лістапада» і вывучаць яе можна круглы год, а не толькі на працягу фестывальнага тыдня. У бліжэйшыя дні можна будзе ўбачыць два фільма з Асноўнага конкурсу ігравога кіно, тры – з Пазаконкурснай праграмы ігравога кіно, а таксама адну дакументальную працу з Пазаконкурснай праграмы фестывалю.
Аўторак, 10 лістапада
«Бацька», а 19:00 (Вялікабрытанія, Францыя, 2019, 97 хв.)
2020 МКФ у Сан-Себасцьяне (Іспанія) – прыз сімпатый гледачоў
Энтані далёка не малады. Ён жыве адзін у Лондане, што вельмі турбуець яго дачку. Яна не хоча пакідаць бацьку без нагляда і спрабуе знайсці яму сядзелку. Энтані адкідае ўсе прапанаваныя варыянты. Аднак, плануючы пераезд у Парыж, дачка не спяшаецца здавацца. Яна настойліва ў сваіх спробах знайсці для упартага татачкі ідэальную жанчыну…
«Яшчэ па адной» а 21:15 (Данія, Швецыя, Нідэрланды, 2020, 116 хв.)
2020 – Канскі МКФ (Францыя) – афіцыйная селекцыя
2020 – МКФ у Сан-Себасцьяне (Іспанія) – «Серебряная ракавіна» за лепшую мужчынскую ролю (Мадс Мiкельсэн, Томас Бо Ларсэн, Магнус Мiлан, Ларс Рантэ)
Існуе тэорыя, што нам варта было б нараджацца з невялікай колькасцю алкаголю ў крыві і што умеранае ап’яненне адкрывае наш розум для навакольнага свету, памяншаючы нашы праблемы і павялічваючы нашу крэатыўнасць. Натхнёныя гэтай тэорыяй, Марцін і трое яго сяброў, усе – стомленыя школьныя настаўнікі, прыступаюць да эксперымента: падтрымліваць пастаянны ўзровень ап’янення на працягу працоўнага дня. Калі у Чэрчыля атрымалася выйграць Другую сусветную вайну, будучы моцна падпіўшы, хто ведае, як паўплывае пара кропель на чацвярых сяброў і іх вучняў?
Серада, 11 лістапада
«Закаханы Ван Гог» а 19:00 (Францыя, 2020, 94 хв.)
«Сапраўдная любоў ўсяляе агіду да мастацтва». Для Лео Мадзоцi, чыя кар’ера мастака складаецца кепска, гэта фраза Ван Гога – выдатная прычына разысціся з закаханай у яго Элізай. Праз 10 гадоў у промнях сусветнай славы ён вяртаецца ва Францыю са сваёй жонкай-мілліонершай Беатрыс, гаспадыняй моднай нью-ёркскай галерэі. Напярэдадні адкрыцця персанальнай выставы ён сустракае сваю былую каханую і… Ван Гога. Легендарны мастак сыходзіць з невядомага аўтапартрэта, каб ажаніцца з Элізай, заняцца выхаваннем дзяцей і больш ніколі не займацца жывапісам…
Чацвер, 12 лістапада
«Палюбоўнікі» а 19:00 (Францыя, 2020, 102 хв.)
2020 – Венецыянскі МКФ (Італія) – фільм-удзельнік конкурснай праграмы
Ліза і Сымон маладыя, прыгожыя і бязмерна шчаслівыя, але фатальныя падзеі разбураюць ідылію. Сымон становіцца злачынцам нехвотна. Ён вымушаны бегчы, разарваўшы сувязь з каханай. Праз тры гады марнага чакання Ліза ажанілася. Разам з мужам яна адпраўляецца на экзатычны востраў у Індыйскім акіяне, дзе, як аказалася, хаваецца яе былы палюбоўнік…
«Вечнае святло» а 21:00 (Францыя, 2019, 51 хв.)
2019 – Канскі МКФ (Францыя) – сусветная прэм’ера ў межах пазаконкурснай секцыі «Паўночныя паказы»
Гіпнатычнае, галюцынагеннае занурэнне ў пякельную атмасферу здымак фільма пра ведзьмаў, якiя iшлi на вогнішча, галоўную ролю ў якім выконвае Шарлота Генсбур. Праз год пасля канскай прэм’еры «Экстаза» рэжысёр вяртаецца з экстравагантнай карцінай, якi дапамог запісаць модны дом Сен-Ларан, у якой любімыя актрысы Ноэ – Шарлота Генсбур і Беатрыс Даль – разважаюць пра вядзьмарскую сутнасць і дэманаў у кіно.
Пятніца, 13 лістапада
«Мастачка і злодзей» а 19:00 (Нарвегія, 2020, 102 хв.)
2020 – МКФ «Сандэнс» (ЗША) – спецыяльны прыз журы за крэатыўнае апавяданне
Лонданскі МКФ (Вялікабрытанія)
МКФ у Цюрыху (Швейцарыя) – конкурсная праграма дакументальнага кіно
МФ дакументальнага кіно «Docville» (Бельгія) – міжнародная праграма
Чэская мастачка адчайна шукае адказ на пытанне, чаму скралі дзве яе карціны. Ёй атрымоўваецца адшукаць злачынца, які скраў палотна, і пасябраваць з ім. Дзяўчына запрашае злодзея пазіраваць для партрэта, завязваюцца немагчымыя стасункi. І непарыўныя повязі назаўжды звязваюць дзве самотныя душы.
Праект «Лістапад. Калекцыя» праводзіць Цэнтр візуальных і выканальніцкіх мастацтваў ART Corporation, якi выступае гідам па якаснаму кіно для тых, хто паспеў засумаваць па пракаце свежых аўтарскіх карцін. Ужо некалькі гадоў запар у межах праекта паказваюць фестывальныя карціны, у тым ліку тыя, якія былі часткай праграмы «Лістапада» на цягу розных гадоў.
Мы раім прытрымлівацца мераў засцярогі і зрабіць паход у кіно не толькі прыемным, але і бяспечным: калі ласка, карыстайцеся маскамі і іншымі сродкамі асабістай засцярогі.
Сачыце за навінамі пра наступныя паказы на сайце artcorporation.by, а таксама ў Facebook, Instagram, VK.