Культавы навукова-фантастычны фільм Рыдлі Скота «Той, хто бяжыць па лязе» выходзіць у мінскіх пракатчыкаў з 8 кастрычніка. Карціна, што ужо даўно стала класікай, будзе паказана ў версіі The Final Cut. Дадатковае задавальненне для ўсіх кінаманаў – фільм пакажуць на англійскай мове з рускімі субтытрамі ў фарматах 2К і 4К. Паказы пройдуць у кінатэатрах «Цэнтральны» (да 14 кастрычніка), «Ракета» і «Falcon Club Буцік Кіно» (да 21 кастрычніка).
«Той, хто бяжыць па лязе» – адзін з самых знакамiтых фільмаў ХХ стагоддзя. Рэжысёр Рыдлі Скот зняў карціну адразу пасля «Чужога», які таксама лічыцца бескампраміснай класікай. «Той, хто бяжыць па лязе» стаў эталонам жанру навуковай фантастыкі і замацаваў за сабой статус культавага кіно. У аснове фільма ляжыць сюжэт рамана Філіпа К. Дзіка «Ці мараць андроіды пра электраавечак?». З 1980-х гэта карціна працягвае ўражваць гледачоў унікальным сюжэтам, поўным загадак і знакаў.
Лос-Анджэлес будучага, 2019 год. Грамадства падзелена на людзей і рэплiкантаў- андроідаў, неадрозных ад чалавека, але якія знаходзяцца ў рабскім становішчы і якія жывуць усяго некалькі гадоў. На Зямлі яны па-за законам і выкарыстоўваюцца на цяжкай працы у касмічных калоніях. Рык Дэкард – адстаўны дэтэктыў, які спецыялізуецца на знішчэнні андроідаў, якія парушылі закон. Такіх, як ён, называюць «той, хто бяжыць па лязе». Дэкарда аднаўляюць на службе і даручаюць «адправіць у адстаўку» групу рэплiкантаў новага пакалення, якія паўсталі супраць свайго стваральніка і якія імкнуцца падоўжыць жыцце. Заданне назаўжды зменіць Рыка і прымусіць узяць пад сумнеў тое, што адбываецца ў яго жыцці.
Галоўныя ролі выканалі Харысан Форд і Рутгер Хауэр – адны з самых вядомых акцёраў галівудскай эпохі. Роля Дэкарда стала адной з самых яркіх і лёсавызначальных ў кар’еры Харысана Форда, а фінальны маналог Рутгера Хауэра назаўжды запомніўся гледачам.
Кінакрытык Times Кейт Мур піша пра фільм наступнае: «Той, хто бяжыць па лязе» – гэта фільм, дзеянне якога адбываецца 40 гадоў таму, і зняты ў стылі 40-гадовай даўніны», – сказаў Рыдлі Скот пра свой знакаміты навукова-фантастычным нуар. Магчыма, гэты «мадэрнізаваны» выгляд з’яўляецца прычынай таго, што ён здаецца нестарэючым, нягледзячы на тое, што дзеянне адбываецца ў 2019 годзе. Гэта будучыня хутчэй змрочная, чым зіхатлівая, дзе загартаваныя мужчыны перамяшчаюцца ў лабірынце вуліц, якiя асветлены, як карціна Эдварда Хопера. Дождж бесперапынны, сонца ніколі не свеціць, а гукавая дарожка – жудасная хваля Вангелiса».
Фільм шмат у чым стаў вядомы дзякуючы свайму пракатнаму лёсу. Першыя паказы выклікалі канфрантацыю крытыкаў: адны лаялі невыразны сюжэт, які згубіўся на фоне спецэфектаў, іншыя – наадварот, ўсхвалялі шматслаёвае апавяданне і атмасферу. Тым не менш, «Той, хто бяжыць па лязе» стаў лаўрэатам шматлікіх узнагарод за аператарскую працу і дызайн, а таксама палюбіўся гледачам. Праз час стала зразумела, што карціна значна паўплывала на масавую культуру, задала канон кіберпанку і стала ў адзін шэраг з «Касмічнай адысеяй» Кубрыка і «Метраполісам» Ланга. Авангардная музыка грэчаскага кампазітара Вангелiса стала саўндтрэкам да карціны і вылучалася на атрыманне прэміі «Залаты глобус».
Фільм у мiнскім пракаце будзе паказаны ў версіі The Final Cut, якая лічыцца эталоннай. Яна была прадстаўлена ў 2007 годзе і ўключае новыя спецэфекты і сцэны, якiя цалкам змяняюць ўспрыманне фільма і праліваюць святло на яго галоўнае пытанне: ці з’яўляецца сам Дэкард чалавекам або рэплiкантам.
Пракат карціны ў Мінску арганiзоўвае Цэнтр візуальных і выканальніцкіх мастацтваў «АРТ Карпарэйшн», якi выступае гідам па якаснаму кіно для тых, хто паспеў засумаваць па пракаце свежых аўтарскіх карцін. «АРТ Карпарэйшн» запрашае карыстацца момантам і вярнуцца ў залы кінатэатраў, дзе ўсё арганізавана для таго, каб захоўваць дыстанцыю. Мы раім прытрымлівацца мераў зарасцярогі і зрабіць паход у кіно не толькі прыемным, але і бяспечным: калі ласка, карыстайцеся маскамі і іншымі ахоўнымі сродкамі.