У дакументальнай сямейнай сазе «Вальхензэе назаўжды» Яна Джы Вондэрс запрашае нас у падарожжа па гісторыі сваёй сям’і. За стагоддзе ў ёй змянілася чатыры пакаленні жанчын. Каб раскрыць сямейныя таямніцы і зразумець сваю ролю ў ланцужку пакаленняў, рэжысёр пачынае шлях ад сямейнага кафэ на баварскім возеры Вальхензэе, вядзе гледача праз Мексіку ў Сан-Францыска часоў «лета кахання», індыйскія ашрамы, нямецкую камуну. І зноў вяртаецца на Вальхензэе. У фільме закранаюцца пытанні ідэнтычнасці, каранёў і самарэалізацыі, пошукаў сэнсу жыцця, кахання і смерці. Гэта асабістая гісторыя аб бясконцым цыкле жыцця.

2020 Берлінскі МКФ (Германія) – сусветная прэм’ера, прэмія «KompassPerspektive», прыз «Made in Germany» МФ дакументальнага кіно ў Салоніках (Грэцыя) – прыз для рэжысёраў-пачаткоўцаў «Залаты Аляксандр» МКФ «Біяграфільм» (Італія) – прыз кампаніі Unipol за лепшы фільм МКФ «Docaviv» (Ізраіль) – секцыя «Панарама» МКФ «DOK.fest» у Мюнхене (Германія)