Цыкл з 2 лекцый.

На сустрэчах мы перагартаем «справы» фільмаў, – ад накідаў сцэнарыяў да пратаколаў мастадсаветаў, ад рэцэнзій крытыкаў да зваротаў грамадскасці; узгадаем, даведаемся, паспрабуем зразумець і сфармаваць сваё ўяўленне пра тое, у якіх умовах стваралася аўтарскае дакументальнае кіно.

Чым адзначана ХХІ стагоддзе, што змянілася ў лёсах мастакоў і як змяніліся памкненні саміх мастакоў. Прынесла незалежнасьць дэ-юрэ здабыццё сапраўднай нацыянальнай супольнасці? Напэўна, адказы на гэтыя пытанні яшчэ наперадзе, а пакуль… давайце азірнемся назад. Разгледзім гісторыю стварэння асобных фільмаў, самых яркіх, таленавітых, якія склалі, няхай і сціплую ў сусветным маштабе, але ўсё ж славу беларускага кіно.

Лектар: Ірына Дзям’янава – рэдактар, кіназнаўца, прафесар кафедры менеджменту, тэорыі і гісторыі кіно БДАІ.